بەکارهێنانی ئەم فرۆشگایە مانای ڕازیبوونی تەواوتە بەم مەرج و ڕێنماییانەی خوارەوە. تکایە بە وردی بیانخوێنەوە پێش ئەنجامدانی هەر کڕینێک.

1. بەرهەمەکان و نرخەکان

• هەموو بەرهەمە نمایشکراوەکان تایبەتن بە منداڵان و تا حدێکی زۆر هاوشێوەی وێنەکانن، ڕەنگە تۆنی ڕەنگەکان کەمێک جیاواز بێت بەهۆی ڕووناکی شاشەکانەوە.
• هەموو نرخەکان بە دیناری عێراقین (د.ع).
• مافی گۆڕینی نرخی بەرهەمەکان یان تێچووی گەیاندنمان هەیە لە هەر کاتێکدا بەبێ ئاگادارکردنەوەی پێشوەختە (ئەمە ئەو داواکارییانە ناگرێتەوە کە پێشتر پشتڕاستکراونەتەوە).

2. داواکاری و گەیاندن

• هەموو داواکارییەکان دوای پشتڕاستکردنەوەیان پێداچوونەوەیان بۆ دەکرێت، وە مافی هەڵوەشاندنەوەی هەر داواکارییەکمان هەیە لە کاتی نەمانی بەرهەمەکە یان هەڵەیەک لە نرخەکەدا، لەگەڵ ئاگادارکردنەوەی کڕیار.
• کاتی گەیاندن بەپێی پارێزگاکان دەگۆڕێت و زۆرجار لە نێوان ٢ بۆ ٥ ڕۆژی کارکردندایە.
• تێچووی گەیاندن بە ڕوونی لە پەڕەی پارەدان پیشان دەدرێت پێش تەواوکردنی داواکارییەکەت.

3. سیاسەتی گەڕاندنەوە و گۆڕین

• دەتوانیت بەرهەمەکە بگەڕێنیتەوە یان بیگۆڕیت لە ماوەی ٣ ڕۆژدا لە بەرواری وەرگرتنییەوە.
• مەرجە بەرهەمەکە لە دۆخی سەرەتایی خۆیدا بێت، بەکارنەهێنرابێت، و هەموو پێداویستی و لۆگۆکانی پێوە بێت.
• کڕیار تێچووی گەیاندن لە ئەستۆ دەگرێت لە کاتی گەڕاندنەوە یان گۆڕیندا (مەگەر هەڵەکە لەلایەن فرۆشگاوە بێت یان بەرهەمەکە تێکچوو بێت).
• بۆ داواکاری گەڕاندنەوە، تکایە پەیوەندی بکە بە خزمەتگوزاری کڕیارانەوە لە ڕێگەی نامەی ماڵپەڕەکە یان ژمارەکانی پەیوەندیکردنەوە.

4. خاڵەکانی دڵسۆزی و کۆپۆنەکان

• ئەو خاڵانەی لە کڕینەکانەوە بەدەست دەهێنرێن تەنها بۆ بەکارهێنانن لە فرۆشگاکەدا و ناکرێت بە پارەی کاش بگۆڕدرێنەوە.
• ناکرێت هەندێک کۆپۆنی داشکاندن لەگەڵ ئۆفەرە ئۆتۆماتیکییەکانی فرۆشگاکەدا تێکەڵ بکرێن (سیستەمەکە لە کاتی پارەداندا ئاگادارت دەکاتەوە).